मुख्यमंत्री सहायता निधीमार्फत अर्थसहाय्य मिळवण्याची प्रक्रिया

नमस्कार महाराष्ट्र 🙏,

सेवामॅनच्या माध्यमातून आम्ही महाराष्ट्र शासनाच्या विविध योजना आणि सेवा "Simplify" करून, योजनेच्या माहितीपासून ते योजनेचा लाभ मिळण्यापर्यंतची संपूर्ण प्रक्रिया अगदी सोप्या भाषेत आपल्यापर्यंत पोहोचवतो.

आज आपण मुख्यमंत्री सहायता निधीबाबत (mukhyamantri sahayata nidhi) जाणून घेणार आहोत. या सेवेमार्फत आर्थिकदृष्ट्या जे दुर्बल घटक आहेत त्यांना दुर्धर आजारावर उपचार करण्यासाठी शासनामार्फत अर्थसहाय्य्य केलं जातं.

ज्या कुटुंबाचं वार्षिक उत्पन्न १ लाखापेक्षा कमी आहे असे घटक हे अर्थसहाय्य्य मिळवण्यासाठी पात्र आहेत.

हृदयशस्रक्रिया, किडणी, कर्करोग, मेंदु वरील उपचार, लिवर ट्रान्सप्लांट, अतिदक्षता विभागातील नवजात बालके तसेच बोन मॅरो ट्रान्सप्लांट या आजारांवर उपचारासाठी हे अर्थसहाय्य दिलं जातं.

आता हे अर्थसहाय्य कसं मिळवायचं याची संपूर्ण प्रक्रिया आपण जाणून घेऊया. आपल्या सोयीसाठी आम्ही हि प्रक्रिया तीन भागात विभागली आहे.
१. अर्जासाठी लागणारी आवश्यक कागदपत्रे जमा करणे.
२. ऑनलाईन अर्ज करणे.
३. कागदपत्रे जोडलेला अर्ज मुख्यमंत्री सहायता निधी कक्षात सादर करणे.

सर्वप्रथम आपण जाणून घेऊया कि अर्थसहाय्य मिळवण्यासाठी आपल्याला कोणकोणती कागदपत्रे लागतील.

१. तहसीलदार यांनी प्रमाणित केलेला उत्पनाचा दाखला (उत्पन्न एक लाख रुपयांपेक्षा कमी असावे)
२. रुग्णाचे आधार कार्ड आणि रेशन कार्ड (रेशन कार्डमध्ये रुग्णाचे नाव नमूद असणे गरजेचे आहे)
३. अर्जदाराचा अर्ज, हा अर्ज कसा लिहावा याचा नमुना खालीलप्रमाणे: 

(mukhyamantri sahayata nidhi form pdf download)

४. रुग्णालयाच्या लेटरहेडवर वैद्यकीय खर्चाचं मूळ प्रमाणपत्र. हे प्रमाणपत्र आपल्याला रुग्णालयाकडून प्राप्त करवून घ्यायचं आहे. जर आपण खाजगी रुग्णालयात उपचार करत असाल आणि आपला उपचार खर्च १ लाखापेक्षा जास्त असेल तर या प्रमाणपत्रावर आपल्याला शासकीय रुग्णालयातील, जिल्हा शल्य चिकित्सक अर्थात सिव्हिल सर्जन यांचा सही शिक्का घ्यावा लागेल. याच प्रमाणपत्रामध्ये, सदर रुग्णाने राजीव गांधी जीवनदायिनी योजनेमार्फत कोणताही लाभ घेतलेला नाही असे नमूद करून घ्या. नमुना खालीलप्रमाणे:

६. रुग्णालयाकडून आपण अजून एक पत्र घेतो या पत्रात, रुग्णालयाच्या लेटरहेडवर, रुग्णालयाचे बँक अकाउंट डिटेल्स, आईएफएससी कोड, ई-मेल आयडी चा तपशील नमूद करवून घ्यायचा आहे.
सर्वात महत्वाची गोष्ट म्हणजे बँकेचे जे अकाउंट आहे ते रुग्णालयाच्या नावावर असणे गरजेचे आहे, कोणत्याही वैयक्तिक अकाउंटवर अर्थसहाय्य दिलं जात नाही. नमुना खालीलप्रमाणे:

७. जर आपण अपघातावर उपचार करून घेत असाल तर अपघातबद्दल पोलिसांनी दाखल केलेली एफआयआर अर्थात तक्रारीची प्रत जोडणे आवश्यक आहे.
८. किडनी किंवा लिव्हर ट्रान्सप्लांटच्या केसमध्ये रुग्णालयीन कमिटीचा रिपोर्ट आपल्याला जोडावा लागेल.
९. आमदार किंवा खासदार याचं शिफारस पत्र (जर आपल्याला शिफारस पत्र मिळत नसेल तर काळजी करण्याचं कारण नाही कारण हि गोष्ट बंधनकारक नाही)

काही प्रमाणपत्रांचे नमुने आम्ही वर दिलेले आहेत, आपण रुग्णालयात जाऊन हे नमुना प्रमाणपत्र त्यांना दाखवू शकता आणि म्हणू शकता कि मला अश्याप्रकारचे प्रमाणपत्र आपल्या रुग्णालयाकडून हवे आहेत.

अर्थसहाय्य मिळवण्याच्या प्रक्रियेतील पहिला भाग म्हणजेच सर्व आवश्यक कागदपत्रे जमा करणे पूर्ण झाला आहे. आता आपण ऑनलाईन अर्ज कसा करायचा ते पाहूया.

ऑनलाईन अर्ज करण्यासाठी मुख्यमंत्री सहायता निधीच्या वेबसाईटला भेट द्या. वेबसाईटवर जाण्यासाठी येथे क्लिक करा.

वेबसाईटवर जाऊन "ऑनलाईन अर्ज करा" हा पर्याय निवडा, हा पर्याय निवडल्यावर आपल्यासमोर एक फॉर्म प्रदर्शित होईल तो फॉर्म भरा. फॉर्म अगदी सोपा आहे, आपण तो सहजपणे भरू शकाल. 
फॉर्म भरून झाल्यावर तो सबमिट करा. या फॉर्मच्या दोन प्रिंट घ्या, एक जमा करण्यासाठी आणि एक आपल्या नोंदीकरिता.

आता या फॉर्मला आपण जमा केलेली आवश्यक ती सर्व कागदपत्रे जोडा.
आपला हा अर्ज आता आपल्याला मुख्यमंत्री सहायता निधी कक्षाला सादर करायचा आहे. सादर करण्याच्या दोन पद्धती आहेत, एकतर हा अर्ज आपण पोस्टाने पाठवू शकतो किंवा थेट जाऊन देऊ शकतो. जर आपण थेट जाऊन हा अर्ज जमा करणार असाल तर मंत्रालयात सातव्या मजल्यावर मुख्यमंत्री सहायता निधी कक्षाचं कार्यालय आहे. जर आपल्याला पोस्टाने हा अर्ज पाठवायचा असेल तर कार्यालयाचा पत्ता पुढीलप्रमाणे: 
मुख्यमंत्री सहायता निधी कक्ष, मुख्यमंत्री कार्यालय, ७ वा मजला, मंत्रालय, मुख्य इमारत, मुंबई-४०००३२ दूरध्वनी क्रमांक - ०२२-२२०२६९४८

(असे लक्षात आले आहे कि, बऱ्याचदा ऑनलाईन अर्ज भरताना खूप अडचणी येतात अशावेळी आपण सगळी कागदपत्रे घेऊन मुख्यमंत्री सहायता निधी कक्ष येथे भेट द्यावी आणि ऑफलाईन पध्द्तीने आपला अर्ज जमा करावा. )

आपण अर्ज जमा केल्यानंतर, आपला अर्ज पडताळला जातो आणि सर्व माहिती बरोबर असल्यास आपल्या रुग्णालयाच्या बँक अकाउंटवर पैसे पाठवले जातात.
पैसे पाठविल्याची माहिती देणारं एक पत्र आपल्या रुग्णालयाला आणि आणि एक पत्र अर्जदाराला पाठवलं जातं.

अश्याप्रकारे आपण मुख्यमंत्री सहायता निधीमार्फत अर्थसहाय्य मिळवू शकतो.

मुख्यमंत्री सहायता निधीबाबत आपले काही प्रश्न असतील तर ते कंमेंट्स मध्ये लिहा आम्ही आपले प्रश्न सोडवण्याचा प्रयत्न करू.

आम्ही आशा करतो कि आमचा प्रयत्न आपल्याला आवडला असेल. शासनाच्या योजना आणि सेवा सोप्या पद्धतीत जाणून घेण्यासाठी सेवामॅनला नियमित भेट देत चला.

धन्यवाद !

विशेष सुचना : सेवामॅनच्या माध्यमातून आम्ही शासनाच्या योजना सोप्या भाषेत आपल्यापर्यंत पोहचवण्याचा प्रयत्न करतो पण कोणताही व्यवहार करण्याआधी संबंधित योजनेची आणि सेवेची शहानिशा करूनच तो व्यवहार करा. आपल्याला झालेल्या/होणाऱ्या कोणत्याही तोट्यासाठी सेवामॅन जवाबदार राहणार नाही.